Toggle search bar

WxT Language switcher

Soper River

Kuujuaq

ᓱᒻᒪᑦ ᑰ ᓇᓗᓇᐃᖅᑕᐅᓯᒪᕚᓐ


Province
Nunavut
Parks
Katannilik Territorial Park
Length
248km

Story Map

Each Heritage River Story Map displays various visual representations of geospatial data in combination with text, photos, videos and external links.

View Map
ᐃᓄᒃᑎᑐᑦ   |   This page is available in Inuktitut

ᑲᓇᑕᒥ ᐱᖅᑯᓯᑐᖃᓕᕆᔩᑦ

ᐃᓚᒋᔭᖓ ᐱᔾᔪᑎᒋᓗᐊᖅᑕᖓ ᐅᐸᒐᔅᓴᐅᓗᓂ ᑰᔾᔪᐊᖅ ᐊᒻᒪ ᒪᕐᕉᒃ ᑰᖑᔫᒃ, Livingstone ᐊᒻᒪ Joy ᑰᖏᑦ, ᑕᑯᒥᓇᒻᒪᕆᑦᑐᒥᑦ ᓄᓇᖃᖅᑐᖅ. ᐊᖏᔪᒥᑦ ᐅᔭᖅᑲᐅᓂᖅᓴᖅ ᖁᐊᖑᐃᓐᓇᖅᑐᖅ ᑰᖓᓂ 1,740 ᒥᓕᐊᓂᑦ ᐊᕐᕌᒍᓂᑦ ᓴᓇᓯᒪᔪᖅ ᓇᓗᓇᖅᑐᓂᑦ ᐊᒻᒪ ᑕᑯᔪᒥᓇᖅᑐᓂᑦ ᓄᓇᖓᓂ. ᑕᑯᔅᓴᐅᔪᑦ ᐅᔭᖅᑲᐃᑦ ᓲᕐᓗ ᒍᕌᕙᐃᑦ,ᒑᓂᐊᑦ, ᓴᓇᖑᐊᒐᔅᓴᖅ, ᐊᒻᒪ ᒪᐃᑲ ᑯᐊᑦᔅ ᑕᑯᔅᓴᐅᒻᒥᔪᑦ ᐱᖅᑯᓯᑐᖃᕐᓄᑦ ᑰᖓᓂ.

ᑰᖓᓂ, ᐊᑦᑎᑦᑐᖅ ᐃᒪᖏᑦ ᐊᒻᒪ ᐅᖅᑰᑲᐃᓐᓇᖃᑦᑕᖅᑐᓂ ᓴᖅᑭᑎᑦᑎᔪᖅ ᐱᕈᖅᑐᑎᖃᐅᑦᑎᐊᖅᑐᒥ ᒪᓴᕐᒥᑦ, ᐊᕙᑎᒋᔭᖓ ᐅᖃᐅᓯᐅᒐᔪᑦᑐᖅ ᐅᑭᐅᑕᖅᑐᒥ ᑕᑯᔅᓴᐅᓂᖓ. ᑰᔾᔪᐊᖅ 10°C ᐆᓇᕐᓂᖅᓴᐅᔪᓐᓇᖅᑐᖅ ᓴᓂᓕᕆᔭᖏᓐᓂᑦ, ᐊᔾᔨᐅᖏᑦᑐᓂᑦ ᐱᕈᖅᑐᖃᖅᑎᑦᑎᔪᖅ ᑰᖓᑕ ᑭᓪᓕᖓᒍᑦ, ᐊᔾᔨᒌᖏᑦᒃᑑᑏᑦ ᐃᔾᔪᐃᑦ, ᖁᓱᖅᑐᓄᑦ ᐱᕈᖅᑐᓄᑦ, ᐳᔪᕐᓄᑦ ᐱᕈᓐᓂᖃᕈᓐᓇᖅᑐᑦ 3.6 ᒦᑕᓂᑦ ᑕᑭᓂᖃᖅᑐᑎ. ᐊᔾᔨᐅᖏᑦᑐᑦ ᐊᒻᒪ ᐊᔾᔨᒌᖏᑦᑐᑦ ᐆᒪᔪᐃᑦ ᑰᖓᓅᖃᑦᑕᖅᑐᑦ, ᐱᖃᓯᐅᑎᓪᓗᑎ ᐊᕕᓐᖓᐃᑦ, ᑎᕆᒐᓂᐊᑦ ᐊᒻᒪ ᐊᔾᔨᒌᖏᑦᑑᑏᑦ ᑎᒻᒥᐊᑦ. ᐃᓐᓈᕈᖏᑦ ᑰᔾᔪᐊᒥᑦ ᐱᑭᐅᕐᕕᐅᖃᑦᑕᖅᑐᑦ ᓇᐅᔭᕐᓄᑦ, ᑳᔫᓄᑦ ᐊᒻᒪ ᑭᒃᑲᕕᐊᕐᔪᓄᑦ. ᑰᔾᔪᐊᖅ ᐊᒥᓱᓄᑦ ᑯᖑᕐᓄᑦ ᐊᒻᒪ ᐃᒫᓅᖃᑦᑕᖅᑐᓄᑦ ᑎᒻᒥᐊᓄᑦ ᓂᕆᕕᒋᔭᐅᕙᑦᑐᖅ, ᐱᖃᓯᐅᑎᓪᓗᑎ Sandhill Cranes.

ᐃᓕᖅᑯᓯᑐᖃᐃᑦ ᑲᓇᑕᒥ

ᓄᓇᓕᒻᒥᐅᑕᓄᑦ ᖃᐅᔨᒪᔭᐅᔪᖅ ᑰᔾᔪᐊᖅ, ᐅᕝᕙᓘᓐᓃᑦ “ᑰᔾᔪᐊᖅ,” ᑰᔾᔪᐊᖅ ᐱᖅᑯᓯᑐᖃᕐᓄᑦ ᐊᑐᖅᑕᐅᖃᑦᑕᖅᓯᒪᓂᑰᔪᖅ ᐊᒻᒪ ᓇᔪᖅᑕᐅᖃᑦᑕᖅᓯᒪᓪᓗᓂ.  ᑯᖓ ᐊᒻᒪ ᑭᒻᒥᕈᖅᐸᓯᖅ ᐃᓗᓂᖃᖅᑐᑦ ᐊᒥᓱᓂᑦ ᐃᑦᑕᕐᓂᓴᕐᓂᑦ ᓇᔪᖅᑕᐅᖃᑦᑕᕐᓂᖓᓄᑦ ᑐᓂᐅᖃᑦᑕᑎᓪᓗᒋᑦ, 4,000 ᐊᕐᕌᒍᓂᑦ. ᑰᖓ ᓄᓇᒧᑦ ᐊᐅᓪᓚᖅᑐᑎᑦ ᐊᖅᑯᑕᐅᕙᓚᐅᖅᑐᖅ ᑲᑎ−ᕕᐅᕙᑦᑐᒧᑦ ᐊᒪᑦᔪᐊᖅ ᑕᓯᖅ. ᐊᒻᒪ ᐊᓯᖏᓐᓄᑦ ᕿᑭᖅᑖᓘᑉ ᕿᑎᐊᓄᑦ ᐃᓄᓐᓄᑦ ᐊᔾᔨᒌᖏᑦᑐᓂᑦ ᓄᓇᖃᐅᖅᑐᓂᑦ ᕿᑭᖅᑖᓗᒻᒥ. 

ᐃᓄᐃᑦ ᐊᒻᒪ ᖃᓪᓗᓈᑦ ᑕᕆᐅᑉ ᐊᑭᐊᓃᖔᖅᓯᒪᔪᑦ ᑲᑎᖃᑦᑕᐅᑎᓂᖅᓴᐅᕙᓕᓚᐅᖅᑐᑦ ᓂᐅᕕᕐᕕᒃ ᓴᖅᑭᑕᐅᓚᐅᖅᑎᓪᓗᒍ 1670−ᒥᑦ. ᒥᖅᑯᓕᓐᓂᑦ ᑕᐅᖅᓰᖃᑦᑕᐅᑎᕙᓪᓕᐊᓚᐅᖅᑐᑦ ᑕᒫᓂ, ᐊᒻᒪ ᑭᖑᓂᐊᒍᑦ, ᓯᑳᑦᑏᑦ ᐊᒻᒪ ᒥᐊᓕᒐᐃᑦ ᕿᓚᓗᒐᕐᓂᐊᖅᑏᑦ ᓱᓪᓗᓕᐊᓗᒻᒨᖅᐸᓚᐅᖅᑐᑦ ᐊᕐᕕᓂᐊᖅᑐᑎᑦ. ᐱᒋᐊᕐᓂᖏᓐᓂᑦ 1900−ᖏᓐᓂᑦ, ᒥᖅᑯᓕᓐᓄᑦ ᓂᐅᕕᕐᕕᒃ ᓴᖅᑭᑕᐅᓚᐅᖅᑐᖅ ᕼᐊᒻᒪᓚᖓᓐᓂᑦ ᑭᒻᒥᕈᑦ (ᖃᐅᔨᒪᔭᐅᓚᐅᖅᑐᑯᖅ ᑭᒻᒥᕈᑦ) ᐊᒻᒪ ᐊᒥᓱᒐᓚᐃᑦ ᕿᓚᒥᐅᔪᒧᑦ ᐅᔭᕋᓐᓂᐊᕐᕖᑦ ᐱᓇᓱᐊᖅᑕᐅᔪᒥᓂᐅᒐᓗᐊᑦ ᑭᖑᕝᕖᓇᓱᑦᑐᑎᑦ ᕿᓚᓗᒐᕐᓂᐊᓂᕐᒧᑦ ᐱᑕᖃᕈᓐᓃᐸᓪᓕᐊᓂᖓᓄᑦ. ᑰᖓᑕ ᖃᓪᓗᓈᑎᑐᑦ ᐊᑎᖓ ᑐᓂᔭᐅᓚᐅᖅᑐᖅ ᓇᓗᓇᐃᕈᑕᐅᓪᓗᓂ ᑑᕕ ᓲᐳ, ᑲᓇᑕᒥᐅᑕᖅ ᐊᐅᓪᓚᖃᑦᑕᖅᑎᔨ ᖃᐅᔨᓴᕐᓂᖃᓚᐅᖅᑐᖅ ᓄᓇᒥᑦ ᐱᕈᖅᑐᓂᑦ ᐊᒻᒪ ᐃᒫᓂ ᐱᕈᖅᑐᓂᑦ ᕿᑭᖅᑖᓗᒻᒥ 1920−ᖏᓐᓂᑦ. 

ᖃᓄᐃᓕᐅᕈᓗᔭᕐᕕᐅᔪᓐᓇᕐᓂᖏᑦ

ᓄᓇᓕᖓ ᑭᒻᒥᕈᑦ ᐳᓚᕋᖅᑎᑖᖅᐸᑦᑐᖅ ᑰᔾᔪᐊᒃᑰᕆᐊᑐᖅᑐᑎ ᐊᒻᒪ ᑲᑕᓐᓂᓕᒃ ᓄᓇᕗᒻᒥ ᒥᕐᖑᐃᓯᕐᕕᒃ, ᐱᖃᓯᐅᔾᔨᔪᖅ ᑰᓕᒫᐸᓗᖓᓂᑦ ᐊᒻᒪ ᑭᓪᓕᖓᓂᑦ ᐊᕕᑦᑐᖅᓯᒪᔪᒧᑦ, ᖃᓄᐃᑦᑐᑐᐃᓐᓇᕐᓂᑦ ᐱᓐᖑᐊᓂᕐᒧᑦ ᖃᓄᐃᓘᕐᓂᐅᔪᓂᑦ ᐊᒻᒪ ᐃᓚᒋᔭᐅᓗᓂ ᐅᓪᓗᒥ ᐃᓄᐃᑦ ᐃᓅᓯᕆᓕᖅᑕᖓᓄᑦ. 

ᑲᓅᑰᕐᓂᖅ, ᖃᔭᑐᕐᓂᖅ ᐊᒻᒪ ᐳᓪᓚᒧᑦ ᐅᒥᐊᑐᕐᓂᖅ ᐊᑐᖅᑕᐃᓐᓇᐅᔪᓐᓇᖅᑐᑦ ᑰᖓᒍᑦ ᑐᕌᖅᑕᖓᓄᑦ ᓂᒋᖓᓄᑦ Mount Joy. ᓯᐅᕋᖓ ᑰᖓᑕ ᑭᓪᓕᖓᒍᑦ ᑐᐱᕐᕕᓴᑦᑎᐊᕙᐅᔪᑦ ᑰᒃᑯᑦ ᐊᐅᓪᓚᖃᑦᑕᖅᑐᓄᑦ. ᐊᐅᓚᓴᖅᑏᑦ ᐃᖃᓗᒐᓱᐊᕈᒪᓲᑦ ᐃᖃᓗᓐᓂᑦ ᑰᖓᓂ ᐊᒻᒪ ᐊᑯᑭᑦᑐᑦ ᐆᒐᖏᓐᓂᑦ ᑕᕆᐅᖑᕈᔪᑦᑐᒥᑦ ᐃᒪᖓᓂ ᑰᔾᔪᐊᖅ ᑕᓯᖓᓂᑦ.

ᑰᖓᒍᑦ ᐱᓱᕝᕕᒋᓗᒍ ᐊᒻᒪ ᓄᓇᐃᓐᓇᒨᕐᓗᓂ ᐊᐅᓪᓚᕐᓂᖃᓂᐊᖅᑐᑦ ᐊᔾᔨᒌᖏᑦᑐᓂᑦ ᓄᓇᓂᑦ. ᐊᒥᓱᓂᑦ ᐱᕈᖅᑐᖃᐅᑦᑎᐊᕐᓂᖓ ᑰᖓᑕ ᑭᓪᓕᖓᒍᑦ, ᐊᒥᓲᓪᓗᑎ ᐆᒪᔪᐃᑦ, ᑲᑕᓐᓂᓖᑦ, ᑕᑯᔪᒥᓇᖅᑐᑦ, ᐊᒻᒪ ᐱᕈᖅᓯᐊᑦ ᓄᓇᐃᓐᓇᒦᑦᑐᑦ ᓄᓇᑦᑎᐊᕙᐅᔪᖅ ᑕᒪᒃᑭᓐᓄᑦ ᐆᒪᔪᓄᑦ ᕿᒥᕐᕈᔨᓄᑦ ᐊᒻᒪ ᐊᔾᔨᓕᐅᕆᓂᕐᒧᑦ.

ᐃᑎᔾᔭᕆᐊᖅ ᐱᓱᕝᕕᒃ, ᐃᓚᒋᔭᖓ ᐱᓱᕝᕕᔾᔪᐊᖅ ᑲᓇᑕᒥ, ᓄᓇᒃᑰᖅᑐᓂ ᐊᖅᑯᑎᒋᔭᐅᔪᖅ ᐃᖃᓗᓐᓂᑦ ᑭᒻᒥᕈᒻᒧᑦ. ᓂᒋᖅᐸᓯᖓᓂ ᑰᔾᔪᐊᖅ ᑭᓪᓕᖓᒎᖅᑐᖅ. ᐊᖅᑯᑎᖓ ᐊᑐᖅᑕᐅᔪᓐᓇᖅᑐᖅ ᖃᒧᑕᐅᔭᒃᑯᑦ ᐊᒻᒪ ᕿᒧᔅᓯᓄᑦ ᐅᑭᐅᒃᑯᑦ, ᐊᒻᒪ ᐱᓱᕝᕕᐅᓗᓂ ᐅᕝᕙᓘᓐᓃᑦ ᐱᓲᑎᒃᑯᑦ ᐊᐅᔭᐅᑎᓪᓗᒍ ᐊᒻᒪ ᐅᑭᐊᔅᓵᒃᑯᑦ. 

ᐊᓕᐊᓇᐃᒍᓲᑕᐅᔪᓐᓇᕐᓂᖏᑦ

ᖁᓕᐅᖏᒑᖅᑐᑦ ᑐᐊᕕᕐᓇᖅᑐᓄᑦ ᐃᓪᓗᕋᓛᖑᔪᑦ ᑰᖓᒍᑦ ᐊᒪ ᐃᑎᔾᔭᕆᐊᒃᑯᑦ, ᐊᐅᓚᑕᐅᔪᖅ ᑲᑕᓐᓂᓕᒃ ᓄᓇᕗᒻᒥ ᒥᕐᖑᐃᓯᕐᕕᒃ ᐃᖅᑲᓇᐃᔭᖅᑎᖏᓐᓄᑦ. ᐃᓚᒋᐊᕐᓗᒍ ᑖᒃᑯᐊ ᐃᓪᓗᕋᓛᓕᒫᑦ, ᑐᐱᐅᔮᖅᑐᖅ ᓴᓇᔭᐅᓚᐅᖅᑐᖅ Joy ᑰᖓᒍᑦ ᑲᑎᓐᖓᓂᖓᒍᑦ 2016−ᒥᑦ ᐅᐸᒐᔅᓴᐅᔪᖅ ᐳᓚᕋᖅᑎᓄᑦ ᒥᕐᖑᐃᓯᕐᕕᒻᒧᑦ ᐊᒻᒪ ᑰᖓᓄᑦ.  

ᑰᑉ ᐊᐅᓚᑦᑎᔨᖏᑦ

ᑰᔾᔪᐊᖅ ᐊᐅᓚᑕᐅᔪᖅ ᑲᑐᑎᔭᐅᓪᓗᓂ ᐱᓕᕆᖃᑎᒌᓐᓂᒃᑯᑦ ᐊᒥᓱᒐᓚᓐᓂᑦ ᓄᓇᓕᒻᒥ ᐱᓕᕆᖃᑕᐅᔪᓂᑦ, ᐊᐅᓚᑕᐅᔪᖅ ᓄᓇᕗᒻᒥ  ᒥᕐᖑᐃᓯᕐᕕᓕᕆᔨᒃᑯᓐᓄᑦ ᐊᒻᒪ ᐊᔾᔨᖏᑦᑐᓄᑦ ᓄᓇᓄᑦ, ᐱᓕᕆᕕᖓ ᓄᓇᕗᑦ ᒐᕙᒪᒃᑯᑦ.

Discover More

ᓱᒻᒪᑦ ᑰ ᓇᓗᓇᐃᖅᑕᐅᓯᒪᕚᓐ

ᑰᔾᔪᐊᖅ, ᑭᓐᖓᖏᓐᓂ ᓂᒋᖓᑕ ᕿᑭᖅᑖᓗᒃ, ᓇᓗᓇᐃᖅᑕᐅᓚᐅᖅᑐᖅ ᑲᓇᑕᒥ ᐱᖅᑯᓯᑐᖃᕐᓄᑦ ᑰᖑᓪᓗᓂ 1992−ᒥᑦ ᑐᓐᖓᓂᖃᖅᑐᒍ ᑭᓱᖃᑦᑎᐊᕐᓂᖓᓄᑦ ᓄᓇᖓ, ᐱᖅᑯᓯᓄᑦ ᐱᒻᒪᕆᐅᓂᖓ ᐃᓄᓐᓄᑦ, ᐊᒻᒪ ᓈᒻᒪᑦᑐᓂᑦ ᐊᓃᓂᕐᒧᑦ ᐱᓕᕆᓂᖃᕐᓗᓂ ᐳᓚᕋᖅᑎᓄᑦ.

ᓇᓗᓇᐃᖅᑕᐅᓯᒪᔪᖅ ᑲᓇᑕᒥ ᐱᖅᑯᓯᑐᖃᕐᓄᑦ ᑰᖑᓪᓗᓂ ᐱᖃᓯᐅᔾᔨᔪᖅ ᐊᑕᖏᖅᑐᒍ 2500 ᑭᑉᐹᕆᑐᑦ ᑭᓚᒦᑕᐃᑦ ᑰᓐᓂᓕᒫᖓ ᑰᔾᔪᐊᖅ ᐊᒻᒪ ᒪᕐᕉᒃ ᑰᖑᔫᒃ, Livingstone ᐊᒻᒪᓗ Joy ᑰᖏᑦ. ᐊᑦᑎᓐᓂᖓᓂ ᑕᕝᕙᓂ ᓇᓗᓇᐃᖅᑕᐅᓯᒪᔪᒥᑦ ᓴᐳᒻᒥᔭᐅᔪᖅ ᐃᓗᐊᓂ ᑲᑕᓐᓂᓕᒃ ᓄᓇᕗᒻᒥ ᒥᕐᖑᐃᓯᕐᕕᒃ, ᑐᑭᖃᖅᑐᖅ “ᑲᑕᓐᓂᓕᒃ”.

Partners

  • Qikiqtani Inuit Association and Nunavut Tunngavik Incorporated

Plaque Text

The Canadian Heritage River plaques offer a brief glimpse into why a river has been designated to the System. They are often located nearby one of its historically significant locations, and highlight some of the most important natural, cultural and recreational values of the river. 

Soper River Plaque Text

The Soper River - Carving through a rugged landscape, the Soper River has, for 4,000 years, been a major travel corridor for the Inuit of south Baffin Island and their predecessors. Arctic char and Greenland cod abound in Soper Lake, while the river valley supports ptarmigan, arctic hare and caribou – all important elements of the Inuit diet. This relationship between the people and the land is vividly captured in soapstone carvings for which Lake Harbour is world-renowned. Named to honour northern biologist Dewey Soper, the 108 km Soper River brings to the Canadian Heritage River System an arctic river valley of unusually lush vegetation, outstanding examples of the diverse landforms of south Baffin Island, and unique opportunities to recreation and for cultural heritage appreciation.