Coppermine River
Qurluktuk
Story Map
Each Heritage River Story Map displays various visual representations of geospatial data in combination with text, photos, videos and external links.
Natural Heritage
ᖁᓪᓗᖅᑑᖅ ᑰᖓ 450 ᑭᓚᒦᑕᓂᑦ ᑕᑭᓂᖃᖅᑐᖅ (ᐱᖃᓯᐅᑎᓪᓗᓂ Kendall River ᐊᒻᒪ Melville Creek ᑰᖏᑦ), ᐊᒻᒪ ᑕᑭᓂᖃᖅᑐᓂ ᓄᓇᕗᒻᒥ /ᓄᓇᑦᓯᐊᑉ ᑭᓪᓕᖓᓂ ᖁᓪᓗᖅᑑᒧᑦ, ᓄᓇᕗᑦ. ᐃᒪᖓ ᑭᓪᓕᖃᖅᑎᑕᐅᔪᖅ Great Bear Lake ᐱᖓᓐᓇᖓᓄᑦ, Great Slave Lake ᓂᒋᖓᓄᑦ ᐊᒻᒪ Coronation Gulf−ᒨᖅᑐᓂ ᐅᐊᓐᓇᖓᓄᑦ.
ᖁᓪᓗᖅᑑᖅ ᑰᓐᓂᖃᑦᑎᐊᖅᑐᖅ ᓄᓇᒃᑯᑦ, ᐱᕈᕇᖅᓯᒪᖏᑦᑐᑦ ᓇᐹᖅᑐᐃᑦ ᑭᓪᓕᖏᓐᓃᑦᑐᑦ. ᐊᐅᐸᖅᑐᑦ ᓯᐅᕋᐃᑦ ᐅᔭᖅᑲᐃᑦ ᐃᓐᓈᕈᖏᑦ ᐸᐅᖓᒋᐊᖅ ᐊᓯᔾᔨᖅᑐᖅ ᖃᖁᖅᑕᓄ ᓯᐅᕋᕐᓄᑦ ᐊᒻᒪ ᖃᑯᖅᑕᐅᓕᖅᑐᑎ ᐃᒪᖓᓂ ᐃᖅᑲᖓᓂ ᑰᖓ ᐃᒫᓅᖅᐸᓪᓕᐊᑎᓪᓗᒍ. ᖃᖅᑲᕋᓛᖑᔪᑦ ᑕᑯᔅᓴᐅᔪᑦ ᓄᓇᖓᓂᑦ ᐆᒪᔪᖃᑦᑎᐊᖅᑐᓂ ᐊᑐᕆᐊᖅ ᐅᐊᓐᓇᒨᖅᐸᓪᓕᐊᑎᓪᓗᒍ ᒪᓴᐃᑦ ᓄᓇᖓ ᐊᕙᑎᖓ. ᐅᒥᒻᒪᐃᑦ ᐊᒻᒪ ᑐᑦᑐᐃᑦ ᓂᕆᔪᑦ ᐱᕈᖅᑐᓂᑦ ᓄᓇᖅᐸᓯᒻᒥᑦ ᖃᐅᔨᓴᐃᓐᓇᖅᑐᑦ ᐊᒪᕈᕐᓂᑦ ᐊᒻᒪ ᐊᒃᖤᓂᑦ.
ᖁᓪᓗᖅᑑᖅ ᓇᔪᕋᔅᓴᖃᖅᑎᑦᑎᔪᖅ ᑎᕆᒐᓂᐊᓄᑦ, ᐊᒪᕈᕐᓄᑦ ᐊᒻᒪ ᐊᒪᕉᔭᕐᓄᑦ ᓇᒦᕝᕕᔅᓴᖃᖅᐸᑦᑐᑦ ᑰᖓᑕ ᑭᓪᓕᖏᓐᓂ ᐊᒻᒪ ᓂᕆᓇᓱᖃᑦᑕᖅᑐᓂ ᑰᖓᑕ ᐃᒪᖏᓐᓂ. ᑰᖓ ᐱᒻᒪᕆᐅᒻᒥᔪᖅ ᓇᔪᖅᑕᐅᓪᓗᓂ ᑎᒻᒥᐅᓄᑦ ᓲᕐᓗ ᑲᖑᐃᑦ, ᓂᕐᓖᑦ, ᐊᒻᒪ ᓂᕿᑐᖃᑦᑕᖅᑐᓄᑦ ᐱᖃᓯᐅᑎᓪᓗᓕᑎ ᑭᒡᒐᕕᐊᕐᔪᒃ ᐊᒻᒪ ᑳᔫᑦ. ᑕᒪᒃᑭ ᒎᑕᓐ ᐊᒻᒪ ᐹᑦ ᐄᒍᐃᑦ ᐱᑭᐅᖃᖅᑐᑦ ᐃᓐᓇᕈᖏᓐᓂ ᑰᖓᑕ ᖁᓛᓂ.
Cultural Heritage
ᖁᓪᓗᖅᑑᖅ ᐅᐊᑦᑎᐊᕈᕐᓂᓴᕐᓄᑦ ᐊᖏᕋᑐᖃᐅᔪᖅ ᐃᓄᓐᓄᑦ ᐊᒻᒪ ᐊᓪᓚᐃᑦ, ᐊᒻᒪ ᐃᒐᕕᒥᓂᑐᖃᐃᑦ ᑕᑯᔭᐅᔪᓐᓇᖅᑐᑦ ᑭᓪᓕᓕᒫᖓᒍᑦ ᐃᒪᖓᒍᑦ. ᑕᐅᓴᖏᓐᓃᑦᑐᓂᑦ ᐊᕐᕌᒍᓂᑦ ᖁᓪᓗᖅᑑᖅ ᑰᖓ ᐊᑐᖅᑕᐅᖃᑦᑕᖅᓯᒪᑦᑎᐊᖅᑐᖅ ᐊᐅᓪᓚᖅᑐᓄᑦ ᐊᖅᑯᑕᐅᓪᓗᓂ, ᐱᐅᒋᔭᐅᓛᖑᔪᖅ ᐊᕙᑎᖓ ᑭᓱᖃᑦᑎᐊᕐᓂᖓᓄᑦ. ᑐᓂᒥᓃᑦ ᐊᖑᓇᓱᑉᐸᓚᐅᖅᑐᑦ ᑭᓪᓕᖏᓐᓂᑦ ᐊᑐᖅᑐᑎ ᒥᑭᔪᓂᑦ ᓴᓇᕐᕈᑎᓂᑦ ᐅᔭᕋᓐᓃᖔᖅᑐᓂᑦ ᐅᕝᕙᓘᓐᓃᑦ ᓴᓇᖑᐊᒐᔅᓴᐃᑦ, ᐱᖃᓯᐅᑎᓪᓗᑎ ᒥᑭᔪᑦ ᓴᕖᑦ, ᖃᔾᔪᓄᑦ ᓄᕗᖏᑦ ᐊᒻᒪ ᓴᓕᒎᑏᑦ.
ᐅᓪᓗᒥ, ᐃᒐᕕᒥᓂᑐᖃᐃᑦ ᐱᑕᖃᒐᔪᑦᑐᑦ ᑭᓪᓕᖓᒍᑦ ᑰᖓᒍᑦ, ᐊᒻᒪᓗ ᐅᒥᐊᕐᑐᖅᑏᑦ ᑕᑯᓂᐊᕐᒥᔪᑦ ᐅᐊᑦᑎᐊᕈ ᐊᒻᒪ ᒫᓐᓇ ᐱᕈᔭᐅᕕᓂᑦ, ᑎᕆᒐᓂᐊᕐᓂᐊᕈᑏᑦ, ᖃᔭᕐᓄ ᐃᓂᖏᑦ, ᑕᓗᐊᑦ ᐊᖑᓇᓲᑏᑦ (ᑕᐃᔭᐅᔪᖅ “ᑕᓗᐊᖅ”) ᐊᒻᒪᓗᑦᑕᐅᖅ ᓇᓗᓇᐃᒃᑯᑕᐃᑦ ᐅᔭᖅᑲᐃᑦ (ᑕᐃᔭᐅᔪᖅ “ᐃᓄᒃᓱᐃᑦ”). ᑖᒃᑯᐊ ᐃᑦᑕᕐᓂᓴᐃᑦ ᓴᓇᓯᒪᔪᑦ ᑭᓲᔮᖅᑐᑦ ᐃᓄᒃᑯᑦ ᑕᑯᓪᓗᒋᑦ, ᑭᓯᐊᓂ ᐃᑉᐱᒋᔭᐅᑦᑎᐊᕆᐊᓖᑦ
ᐊᒻᒪ ᐸᕕᓴᑦᑕᐅᖏᓪᓗᑎ. ᐱᖅᑯᓯᓕᕆᔨᒃᑯᑦ ᓄᓇᕗᑦ ᒐᕙᒪᒃᑯᓐᓂᑦ ᑲᔪᖏᖅᓴᐃᔪᑦ ᑭᓇᑐᐃᓐᓇᖅ ᓇᓂᓯᔪᖅ ᐃᑦᑕᕐᓂᓴᕐᓂᑦ, ᐃᑦᑕᕐᓂᓴᕐᕖᑦ ᐊᒻᒪ ᐃᑦᑕᕐᓂᓴᐃᑦ ᑐᓴᖅᑎᑎᔾᔪᑎᒋᓗᒋᑦ ᓇᓂᔭᐅᔪᑦ ᐊᖏᔪᖅᑳᖓᓐᓄᑦ ᓄᓇᕗᒻᒥ ᐃᑦᑕᕐᓂᓴᓕᕆᔨ.
ᖃᓂᒋᔭᖓᑕ ᐃᓱᐊᓂ ᐃᒪᕐᒥ, ᖁᓪᓗᖅ (“Bloody Falls”) ᓄᓇᕗᒻᒥ ᒥᕐᖑᐃᓯᕐᕕᒃ ᓯᕕᑐᖏᑦᑐᒥᑦ ᓄᖑᑎᖅᓯᒪᔪᒥᑦ, waterfall, ᐊᒻᒪ ᐃᒪᐅᑉ ᑰᓐᓂᖓ. ᖃᐅᔨᔪᒥᓇᒻᒪᕆᑦᒥᑦ ᐊᑐᖅᑕᐅᖃᑦᑕᖅᓯᒪᔪᑐᖃᖅ ᐱᖃᓯᐅᔾᔨᔪᑦ ᑕᐅᓴᖏᓐᓃᑦᑐᓄᑦ ᐊᕐᕌᒍᓄᑦ ᐃᖃᓗᒐᓱᕝᕕᐅᒋᐊᖅᐸᑦᑐᓂ.
ᖁᓪᓗᖅᑑᖅ ᑕᑯᔅᐅᑎᑕᐅᑦᑎᐊᕐᒥᔪᖅ ᕿᒥᕐᕈᓂᕐᒥᑦ ᐅᑭᐅᑕᖅᑐᒥᑦ, ᐊᒻᒪ ᑕᑯᔅᓴᐅᑎᑕᐅᔪᑦ ᐊᐅᓪᓚᕐᓂᕆᔭᖓ ᓵᒥᐅ ᕼᐅᕐᓐ 1771−ᒥᑦ, ᓯᕗᓪᓕᖅᐹᖓ ᕗᕌᒃᓚᓐ ᐊᐅᓪᓚᕐᓂᖓ, 1820−ᒥᑦ ᐊᒻᒪ ᐊᐃᑉᐸᖓᓂ ᕗᕌᒃᓚᓐ ᐊᐅᓪᓚᕐᓂᖓᓂᑦ, 1825−ᒥᑦ.
Recreational Heritage
ᖁᓪᓗᖅᑑᖅ ᓈᒻᒪᑦᑐᖅ ᐊᖑᐊᖃᑦᑐᑕᖅᓯᒪᔪᓄᑦ ᐊᒻᒪ ᐊᖑᐊᕆᐅᖅᐸᓪᓕᐊᔪᓄᑦ, ᐅᑭᐅᑕᖅᑑᑉ ᑭᓪᓕᖓᒎᕐᓂᐊᖅᑐᑦ ᑰᖓᒍᑦ ᐅᑭᐅᑕᖅᑐᒧᑦ ᐃᒪᖓᓅᖅᐸᓪᓕᐊᓗᑎ. ᐊᒥᓱᒐᓚᐃᑦ ᑮᓇᐅᔭᓕᐅᕋᓱᑦᑐᑦ ᐊᐅᓪᓚᕈᔾᔨᔩᑦ ᑲᓅᒃᑯᑦ, ᑲᓕᒃᑯᑦ ᐊᒻᒪ ᖃᔭᖅᑐᑎᑦᑎᕙᑦᑐᑦ ᖁᓪᓗᑑᖅᑯᑦ ᐊᑯᓂᐅᓂᖃᖅᑐᓂ ᐊᑕᐅᓯᕐᒥᑦ ᐱᖓᓱᓄᑦ ᐱᓇᓱᐊᕈᓯᕐᓄᑦ. ᑰᖓᒎᕐᓂᐊᖅᑐᓂ ᐱᒋᐊᕐᓂᖃᓲᖅ ᖃᑕᓲᒃᑯᑦ ᐃᒪᓅᓲᒧᑦ ᔨᐊᓗᓇᐃᕝᒥ, ᓄᓇᑦᓯᐊᒥᑦ, ᐊᒻᒪ ᐃᓱᓪᓕᖃᖅᑐᓂ ᑰᖓᑕ ᐃᓱᐊᓄ, ᓄᓇᓕᖓᓂ ᖁᓪᓗᖅᑑᖅ, ᓄᓇᕗᒃ, ᐊᖑᐊᖅᑎᐅᔪᑦ ᑐᐱᖅᓯᒪᔪᓐᓇᖅᑐᑦ ᓄᓇᐅᑉ ᑭᓪᓕᖓᓂ ᐅᑭᐅᑕᖅᑐᖅ ᐃᒪᖓᓄᑦ ᖃᖓᑕᓲᒃᑦᑰᓚᐅᖅᑎᓐᓇᒋᑦ ᖃᖓᑕᔾᔪᑕᐅᕙᑦᑐᓄᑦ.
ᑰᖓ ᐃᖃᓗᒐᓱᕝᕕᑦᑎᐊᕙᒃ, ᐊᔾᔨᒌᖏᑦᑐᓄᑦ ᐃᖃᓗᓐᓄᑦ ᓲᕐᓗ lake trout, ᐃᖃᓗᒐᐃᑦ, ᐊᒻᒪ ᐊᑦᑎᓐᓂᖓᓂ ᑰᖓᓂ ᐃᖃᓗᐲᑦ.
Fun Fact
ᐃᓄᐃᑦ ᖁᓪᓗᖅᑑᕐᒥ ᐃᓄᐃᓐᓇᖅᑐᓐ ᐅᖃᐅᓯᖃᖅᑐᑦ − ᐊᔾᔨᒋᓐᖏᐊᔪᑦᑕᖓ ᐃᓄᑦᑎᑐᑦ − ᐱᔾᔪᑎᒋᓪᓗᒍ ᑭᓪᓕᓂᕐᒥᐅᑕᐅᒻᒪᑕ ᐃᓄᐃᑦ, ᑐᓃᑦ ᐃᓄᖏᑕ ᑭᖑᕚᖏᑦ, ᐊᔾᔨᒋᖏᐊᔪᑦᑕᖓᓂᑦ ᐱᖅᑯᓯᖃᖅᑐᑦ. ᑭᓪᓕᓂᕐᒥᐅᑦ ᐃᓄᐃᑦ ᐊᑦᑎᖅᑕᐅᓚᐅᖅᑐᑦ ᖃᔾᔪᐃᑦ ᓄᕗᖏᓐᓂᑦ, ᑲᐱᓯᔾᔪᑎᓄᑦ ᓄᕗᖏᑦ, ᐅᓗᐃᑦ, ᐅᓈᑦ ᐊᒻᒪ ᓴᕖᑦ ᑳᐳᒥᑦ ᐱᖃᑦᑕᖅᑐᑎᑦ ᑭᓪᓕᖓᑕ ᖁᓪᓗᖅᑑᖅ ᑰᖓᒍᑦ.
ᑰᑉ ᐊᐅᓚᑦᑎᔨᖏᑦ
ᖁᓪᓗᖅᑑᖅ ᑰᖓ ᓂᕈᐊᕋᔅᓴᖑᖅᑎᑕᐅᓯᒪᔪᖅ ᑭᓯᐊᓂ ᐃᓕᓴᕆᔭᐅᓪᓚᕆᔅᓯᒪᖏᑦᑐᖅ ᑲᓇᑕᒥ ᐱᖅᑯᓯᑐᖃᕐᓄᑦ ᑰᖑᓪᓗᓂ. ᓇᓗᓇᐃᖅᑕᐅᓯᒪᓕᕈᓂ, ᐊᐅᓚᑕᐅᓂᐊᖅᑐᖅ ᑲᑐᑎᔭᐅᓗᓂ ᐱᓕᕆᖃᑎᒌᓐᓂᒃᑯᑦ ᐊᒥᓱᒐᓚᓐᓂᑦ ᓄᓇᓕᒻᒥ ᐱᓕᕆᖃᑕᐅᔪᓂᑦ, ᐊᐅᓚᑕᐅᔪᖅ ᓄᓇᕗᒻ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᐊᒻᒪ ᐊᔾᔨᖏᑦᑐᓄᑦ ᓄᓇᓄᑦ, ᐱᓕᕆᕕᖓ ᓄᓇᕗᑦ ᒐᕙᒪᒃᑯᑦ.
Discover More
ᓱᒻᒪᑦ ᑰ ᓇᓗᓇᐃᖅᑕᐅᓯᒪᕚᓐ
450 ᑭᓚᒦᑕ ᖁᓪᓗᖅᑑᖅ, ᐱᖓᓐᓇᖓᓂ ᓄᓇᕗᑦ, ᓂᕈᐊᕋᔅᓴᖑᖅᑎᑕᐅᓚᐅᖅᑐᖅ ᑲᓇᑕᒥ ᐱᖅᑯᓯᑐᖃᕐᓄᑦ ᑰᓐᓄᑦ 2002−ᒥᑦ ᐱᖅᑯᓯᑐᖃᖓᓄᑦ, ᐱᖅᑯᓯᓄᑦ, ᐊᒻᒪ ᐊᑐᖅᑕᐅᑐᐃᓐᓇᕐᓂᖓᓄᑦ ᐱᒻᒪᕆᒋᒋᔭᐅᔪᑦ.
ᑰᖓ ᐊᐅᓪᓚᕐᕕᐅᖃᑦᑕᖅᓯᒪᔪᖅ ᓄᓇᖃᖅᑳᖅᓯᒪᔪᓄᑦ ᐅᑭᐅᑕᖅᑐᒥᑦ. ᑳᐳᐃᑦ ᓇᓂᔭᐅᔪᑦ ᑰᖓᑕ ᑭᓪᓕᖓᓂ ᐱᒻᒪᕆᐅᓚᐅᖅᑐᑦ ᐃᓄᓐᓄᑦ ᑕᐃᑲᓂ ᓄᓇᖃᓚᐅᖅᑐᓄᑦ. ᐅᓪᓗᒥᒧᑦ ᑎᑭᑦᑐᒍ, ᑰᖓ ᐃᑲᔪᖅᓱᐃᖏᓐᓂᓇᖅᑐᖅ ᐃᓄᐃᑦ ᐃᓅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
ᑰᖓ ᑰᓐᓂᖃᖅᑐᖅ ᓄᓇᒃᑯᑦ ᐆᒪᔪᖃᑦᑎᐊᖅᑐᒥᑦ, ᐅᒥᒻᒪᐃᑦ, ᑐᑦᑑᔭᐃᑦ ᐊᒻᒪ ᑐᑦᑐᐃᑦ ᓂᕆᖃᑦᑕᖅᑐᑎ ᐱᕈᖅᑐᓂᑦ ᓄᓇᖅᐸᖓᓂ, ᐊᒻᒪ ᐊᒪᕈᐃᑦ ᐊᒻᒪ ᐊᒃᖤᐃᑦ ᑰᖓᑕ ᑭᓪᓕᖓᓃᖃᑦᑕᖅᑐᑦ ᓂᕿᔅᓴᓯᐅᖅᑐᑎ.
Partners
- Kitikmeot Inuit Association and Nunavut Tunngavik Incorporated