Thelon River
Akillinik
ᓱᒻᒪᑦ ᑰ ᓇᓗᓇᐃᖅᑕᐅᓯᒪᕚᓐ
Story Map
Each Heritage River Story Map displays various visual representations of geospatial data in combination with text, photos, videos and external links.
Natural Heritage
ᑲᖏᕐᔪᐊᖅ ᑰᖓ ᓇᓗᓇᐃᖅᑕᐅᓯᒪᕗᖅ ᑲᓇᑕᐅᑉ ᐱᖅᑯᓯᑐᖃᓕᕆᔨᒃᑯᖏᓐᓂᑦ ᑰᓕᕆᔨᖏᓐᓂᑦ ᑰᖏᑦ ᐃᓚᖃᖅᑐᑎᑦ ᐋᖅᑭᐅᒪᓂᖏᑦ ᕿᑎᓕᒫᖓ ᐊᒻᒪᓗ ᐊᑉᐸᓯᓂᖓ ᑎᑭᐅᑎᓯᒪᓪᓗᓂ, 545 ᑭᓛᒥᑕᒥᑦ ᑕᕙᓐᖓᑦ (ᐅᐊᑕᓐ ᒍᕐᐅᑉ)ᒥᑦ ᐱᖓᓐᓈᓂᑦ ᑲᖏᕐᔪᐊᖅ ᓂᕐᔪᑎᖃᕐᕕᖏᑦ ᑭᒡᓕᖃᖅᑐᑎᑦ ᑲᖏᕐᔪᐊᖅ ᓂᕐᔪᑎᖃᕐᕕᖓᑦ ᓄᓇᓕᖏᑦ ᖃᒪᓂᖅᑐᐊᖅ, ᓄᓇᕗᑦ. ᖁᓪᓕᖅᐸᑦᑎᐊᖓᒍᑦ ᑕᐅᕗᖓ ᑰᖓᓄᑦ, ᐊᒻᒪᓗ ᓇᓗᓇᐃᖅᑕᐅᓯᒪᓪᓚᑦᑖᖅᑐᑎᑦ ᓴᐳᒥᔭᐅᓪᓗᑎᑦ ᑲᖏᕐᔪᐊᖅ ᓂᕐᔪᑎᖃᕐᕕᖏᓐᓂᑦ.
ᑲᖏᕐᔪᐊᖅ ᑰᖓ ᐊᖏᓂᖅᐹᖑᕗᖅ ᑲᓇᑕᓕᒫᒥᑦ ᑲᖏᓱᐊᓘᒻᒧᖓᓪᓗᓂ. ᑰᑉ ᓇᓗᓇᐃᖅᑕᐅᓯᒪᓂᖓ ᐃᓚᖓᑦ ᐱᒋᐊᖅᑐᓂᑦ 110 ᑭᓚᒪᑕᔅᒥᑦ ᐅᓪᓗᓴᖅᑑᑉ ᑲᓇᓐᓇᖓᓂᑦ , ᓄᓇᓯᐊᒥᑦ, ᖃᓂᒋᔮᓂᑦ ᑲᕕᓯᓕᒃ ᑕᓯᖓᑕ ᐊᒻᒪᓗ ᑰᑦᑐᓂ ᐅᐊᓐᓇᖓᓄᑦ ᐊᒻᒪᓗ ᑲᓇᓐᓇᕐᒥᑦ ᐃᑳᖅᑐᒍ ᓇᐹᖅᑐᖃᓐᖏᑦᑐᒧᑦ ᑲᒪᓂᖅᑐᐊᕐᒥᑦ ᐊᒻᒪᓗ ᐃᒡᓗᓕᒐᖅᔪᒥᑦ, ᑕᓯᐅᔭᖅᔪᐊᕐᒧᓚᐅᓐᖏᓂᖓᓂ. ᑰᖓ ᑕᑯᒥᓇᖅᑐᐊᓗᓐᓂᑦ ᐱᑕᖃᖅᑯᖅ, ᑕᑯᔅᓴᐅᑎᐊᖅᑐᓂᑦ ᓯᐅᕋᔮᖓ ᖃᑯᖅᑐᓂ ᒪᓂᕋᐅᓪᓗᓂ ᑲᖏᕐᔪᐊᖓᓂᑦ; 15 ᒦᑕᒥᑦ ᐳᖅᑐᓂᖃᖅᑐᖅ ᓯᐅᕋᔮᖓ ᐅᔭᕋᓱᔾᔪᐊᓗᓂ ᐱᑕᖃᕆᓪᓗᓂᓗ ᑲᖏᕐᔪᐊᖅ ᖃᖓᔾᔭᓂᖓᓂᑦ; ᐊᒻᒪᓗ ᐃᓐᓈᕈᖏᑎᒍᑦ ᐃᖏᕐᕋᓂᖅᑐᓂᓕᐊᓗᓪᓗᑎᑦ.
ᑲᖏᕐᔪᐊᖅ ᓴᓗᒪᑦᑎᐊᖅᑐᓂ ᓂᕐᔪᑎᓄᑦ ᐊᕙᓗᔭᐅᓯᒪᓪᓗᓂ ᓇᔪᒐᐅᓪᓗᓂᓗ ᐆᒪᔪᓄᑦ ᐊᑐᐃᓐᓇᐅᑎᐊᖅᑐᑎᓪᓗ. ᓇᐹᖅᑐᖃᐅᑦᑎᐊᕐᑐᓂ ᐃᓚᖓᓗ ᒪᓴᕐᓗᓪᓗᓂ ᐱᐅᔪᐊᓗᓐᓂᑦ ᐊᔾᔨᒌᓐᖏᑦᑐᓂᑦ ᓇᐹᖅᑐᓂᑦ ᐊᒻᒪᓗ ᐅᑭᐅᑕᖅᑑᑉ ᐆᒪᔪᖃᑎᖏᓐᓄᑦ ᓇᔪᒐᐅᓪᓗᓂ. ᑲᖏᕐᔪᐊᖅ ᓂᕐᔪᑎᓄᑦ ᓴᐳᔾᔨᕕᐅᕗᖅ ᐅᒥᒻᒪᓐᓄᑦ ᐃᕐᓂᐅᕐᕕᐅᕙᑦᑐᓂ ᓴᐳᒥᔭᐅᑦᑎᐊᕐᑐᑎᓪᓗ, ᑕᑯᔭᐅᒐᔪᑦᑐᑎᑦ ᑰᖏᑕ ᑕᑭᓂᖏᒍᑦ, ᐊᒻᒪᓗᑕᐅᖅ ᑎᔾᔭᓕᐅᑉ ᑐᑦᑐᖏᑦᑕ ᓄᕐᕋᖃᕐᕕᖏᑦᑕ, ᑕᐅᓴᖏᓐᓂᑦᑐᑦ ᑕᑯᔭᐅᔪᓐᓇᖅᑯᑦ ᑰᖓᓂᑦ ᐱᓱᑉᐸᓪᓕᐊᓕᖅᑎᓪᓗᒋᑦ. ᑐᒃᑐᐃᑦ ᐅᓇᒻᒥᔭᐅᒐᔪᑉᐸᑦᑐᑦ ᐃᖅᓯᓇᖅᑐᓄᑦ ᐆᒪᔪᓄᑦ ᐊᒻᒪᓗ ᑕᑯᔭᐅᒐᔪᑦᑐᑎᑦ ᐊᒪᕈᐃᑦ, ᖃᕐᕖᑦ ᐊᒻᒪᓗ ᐊᑦᓴᐃᓐ ᐱᑕᖃᕋᔪᐸᒃᑭᕗᑦ.
ᑎᒻᒥᐊᓄᑦ ᐊᔾᔨᒌᖏᑐᑎᓄᑦ ᑕᑯᕕᐅᒐᔪᑉᐸᑉᐳᖅ ᑰᖓᒍᑦ ᐃᓚᖏᓪᓗ ᑭᒡᒐᕕᐊᕐᔪᒃ, ᕿᓐᓄᐊᔪᐊᖅ, ᑭᒡᒐᕖᑦ, ᓇᖅᑐᕋᓖᓪᓗ, ᐊᒻᒪᓗᑦᑕᐅᖅ ᑳᔫᖅᓂᑦ, ᐊᒻᒪᓗ ᑕᑉᐹᓂᖅᐸᓯᒃ ᓇᐹᖅᑐᖃᐅᑦᑎᐊᖅᑐᓂᒃ ᐅᑭᐅᖅᑕᖅᑐᖅ ᑲᖏᕐᔪᐊᖅ ᐃᓗᐊᓂᑦ, ᐅᒃᐱᔾᔪᐊᓂᑦ ᐊᒻᒪᓗ ᑭᒡᒐᕕᐊᔪᐃᑦ. ᓇᐹᖅᑐᑲᕈᓐᓇᖏᑦᑐᒥᑦ ᖁᔾᔪᐃᑦ ᐊᒻᒪᓗ ᑎᓴᒪᑦ ᑎᒻᒥᐊᑦ ᐊᔾᔨᒌᖏᑦᑐᑦ ᑑᓪᓖᑦ ᐃᕙᒐᔪᑉᐸᑉᐳᑦ ᑰᖓᑕ ᑭᓪᓕᖓᒍᑦ.
Cultural Heritage
ᑕᑉᐹᓂᖅᐸᓯᒃ ᑎᑭᐅᑎᓗᒍ ᑲᖏᕐᔪᐊᖅ ᑰᖓ, ᐃᖏᕐᕋᓂᖏᑕ ᐃᓚᖓ ᑰᖓ ᐃᑦᑕᕐᓂᓴᐅᓕᖅᑐᖅ ᓇᓗᓇᐃᖅᑕᐅᓯᒪᓪᓗᓂ, ᐊᓪᓚᐃᑦ ᓄᓇᖓᑕ ᐃᓚᖓ ᐱᐅᓯᑐᖃᐅᓪᓗᓂ ᐃᒻᒥᒃᑰᖓᓪᓗᑎᑦ. ᑎᐊᔅ ᔭ ᑐᐊᐃ ᑎᐊᓇᐃᓱᓕᓐ ᐊᑎᖃᖅᑎᑦᑎᕗᑦ ᑲᖏᕐᔪᐊᖅ ᑰᖓᓂᑦ 140-ᑭᓛᒥᑕᖃᖅᑯᖅ ᐱᖓᓐᓈᓂᑦ ᓄᓇᑦᓯᐊᕐᓗ -ᓄᓇᕗᓪᓗ ᑭᓪᓕᖃᖅᑐᓂ. ᑕᒪᓐᓇ ᐃᓂᒋᔭᖓ ᐊᒻᒪᓗ ᑕᓯᕐᓄᑦ ᐊᕙᓗᔭᐅᓯᒪᓪᓗᓂ ᐊᑐᖅᑕᐅᕙᑦᑐᓂᑦ ᐅᑭᐅᒃᑯᑦ ᐊᓪᓚᓄᑦ. ᐊᓪᓚᐃᑦ ᓄᓇᖓᓐᓂᑦ ᑰᑉᐸᑉᐳᖅ ᑖᕗᖓ ᐊᓚᐃᑦ ᓄᓇᖓᓐᓄ (ᑲᕕᓯᓕᒃ ᑕᓯᖓ) ᐊᓪᓚᓄᑦ ᓄᓇᒋᔭᖅ ᐃᖃᓗᒐᓱᕕᐅᕙᑦᑐᓂ ᑲᕕᓯᓕᒃᓂ.
ᐅᑭᐅᒐᓴᓐᓂᑦ, ᓄᓇᖓ ᐊᕙᓗᔭᐅᓯᒪᕗᖅ ᑲᖏᕐᔪᐊᖅ ᑰᖓ ᐆᒪᔪᕋᓱᕕᐅᓱᖅ ᓄᓇᕕᒻᒥᐅᑕᐃᑦ ᐃᓄᖏᓐᓄᑦ.
ᑰᖓᒍᖅᑐᓂ ᐃᖅᑲᐅᒪᓇᓲᖑᕗᖅ ᑕᐃᔅᓱᒪᓂᐅᓚᐅᖅᑐᒥᑦ. ᐃᒻᒪᖄ ᓱᔪᕐᓛᖑᕗᖅ ᑕᐃᔅᓱᒪᓂᐅᓚᐅᖅᑐᖅ ᐊᒻᒪ ᐅᓪᓗᒥᐅᔪᖅ ᐃᓄᐃᑦ ᐃᓕᖅᑯᓯᖏᓐᓂᑦ ᐃᓄᔅᓱᐃᑦ ᐅᔭᕋᐃᑦ ᖃᓕᕇᓕᖅᑎᔅᓯᒪᔪ ᒪᑭᑕᓪᓗᑎᒃ ᓇᓗᓇᐃᒃᑯᑕᐅᔪᑦ ᓄᓇᒥᑦ. ᐃᓄᒃᓱᐃᑦ ᓇᓗᓇᐃᒃᑯᑕᐅᓯᒪᕗᑦ ᐃᓄᐃᑦ ᐃᓄᓯᓕᒫᖏᓂᓐᓂᑦ, ᐊᒻᒪᓗ ᐃᒫᕐᓂᑦ ᓇᓂᓯᔾᔪᑕᐅᓲᑦ ᐊᖁᑕᐅᓪᓗᑎᓪᓗ, ᐊᒻᒪᓗ ᑐᑦᑐᓄᑦ ᐃᖏᕐᕋᕕᐅᕙᑦᑐᓂ ᐊᖅᑯᑕᐅᕙᒃᑭᓪᓗᓂᓗ, ᑰᑯᑦ ᐃᑳᕐᕕᐅᒋᓪᓗᓂᓗ, ᐃᖃᓪᓕᐊᕐᕕᐅᓪᓗᓂᓗ, ᐊᐅᓪᓚᖅᓯᒪᕕᐅᓱᖑᓪᓗᓂᓗ, ᖃᐅᔨᒋᐊᕐᕕᐅᓱᖑᒋᓪᓗᑎᑦ, ᐊᒻᒪᓗ ᕿᓐᓂᕕᐅᓱᖑᒋᓪᓗᑎᑦ ᓂᕿᓄᑦ. ᐃᓄᓐᓄᑦ ᐃᓚᖓ ᑕᐃᔭᔪᖅ ᑰ ᓴᐅᓪᔅ ᑕᓯᖓᓂᑦ ᐊᑦᑎᖅᑕᐅᓯᒪᓪᓗᓂ ᖃᒪᓂᖅᑐᐊᑉ ᑲᖏᕐᔪᐊᒃᖓᓂᑦ, ᐊᑦᑎᖅᑕᐅᓯᒪᓂᖏᓐᓄᑦ ᐊᔾᔨᒌᓐᖏᑦᑐᓂᒃ ᑕᓰᑦ ᐱᖓᓐᓈᓂ ᓴᐅᓪᔅ ᑕᓯᖏᑦ ᐃᓛᒃᑰᖓᓐᓗᑎᑦ
ᖃᒻᒪᒥᓂᕐᓂᐊᕐᕖᑦ ᐃᓂᖏᑦ, ᐋᖅᑭᔅᓯᒪᓂᖏᑦ ᐊᒻᒪᓗ ᓴᓇᓯᒪᓂᖏᑦ ᐱᑕᖃᐅᒻᒪᕆᑉᐳᑦ ᐊᒻᒪᓗ ᓴᐳᒻᒥᔭᐅᓪᓗᑎᑦ ᒐᕙᒪᑐᖃᒃᑯᓐᓂᑦ ᐊᒻᒪᓗ ᓄᓇᑦᓯᐊᖅ ᒪᓕᒐᖏᓂᑦ - ᐃᑉᐱᒋᔭᐅᑦᑎᐊᕆᐊᓖᑦ ᐊᒻᒪᓗ ᑲᒪᒋᔭᐅᔭᕆᐊᖃᕋᑎᑦ. ᑖᒃᑯᐊ ᐃᑦᑕᕐᓂᓴᑐᖃᐃᑦ ᐃᓂᖏᑦ. ᐃᓕᒍᑕᐅᔪᓐᓇᑦᑎᐊᖁᑦ ᐊᐅᓪᓛᕕᐅᖃᑦᑕᖅᑐᑦ ᐅᐊᑦᑎᐊᕈᕐᓂᓴᐃᑦ ᒫᓐᓇᐅᓕᖅᑐᕐᓗ ᐊᒻᒪᓗ ᓄᓇᐃᑦ ᐃᓂᖏᑦ ᐊᑐᖅᑕᐅᒐᔪᖅᐸᑦᑐᑦ ᓇᓂᔭᐅᔪᓐᓇᖅᑯᑦ ᐊᑉᐸᓯᓐᓂᖅᓴᐅᑉ ᑰᖓᒍᖓᔪᖅ ᖃᓂᒋᔮᒍ ᖃᒪᓂᖅᑐᐊᑉ ᐊᒻᒪᓗ ᓄᓇᓕᖓᑦᑕ ᐊᑎᖅᑲᑎᖃᓂᖏᒍᑦ.
Recreational Heritage
ᑲᖏᕐᔪᐊᖅ ᓯᕗᓪᓕᐸᐅᔾᔭᐅᓲᖑᕗᖅ ᐅᒥᐊᖅᑐᕆᐅᖅᓴᔪᓄᑦ ᓂᕐᔪᑎᖃᓐᖏᓂᖓᒍᑦ, ᐅᒥᐊᖅᑐᕐᓇᐅᓕᕋᐃᒻᒪᑦ ᐅᒥᐊᖅᑐᕐᓇᖅ ᓇᐃᑦᑑᒐᓗᐊᖅᑎᓪᓗᒍ, ᑎᓴᒪᐅᔪᖅᑐᓂᑦ ᖁᓖᓐᓄᑦ ᐱᓇᓱᐊᕈᓯᕐᓄᖓᑐᐃᓐᓇᖅᑐᓂ ᑕᕙᓐᖓᑦ ᔫᓂ ᓄᖑᐊᓂᑦ ᐊᒌᓯ ᕿᑎᐊᓄᑦ. ᐊᖅᑯᑕᐅᓱᖑᒋᕗᑦ ᐃᓚᓕᐅᑎᓪᓗᒋᑦ Hᐊᓐᐳᕆ ᑰᖓᓂᑦ ᑲᖏᕐᔪᐊᑉ ᐊᖅᑯᑎᖓᒍᑦ, ᓯᕗᓪᓕᖅᐹᖓᓐᓂᑦ ᐊᑐᕆᐊᓐᖓᖅᑐᒍ Hᐊᓐᐳᕆ ᑰᖓᒍᑦ ᐱᔭᕆᐊᑐᓪᓚᕆᓲᖑᕗᖅ, ᑕᑯᒥᓇᖅᑐᓪᓚᕆᐊᓗᓪᓗᑎᑦ ᑰᖏᑦ ᑎᒃᓴᓐ ᐊᒻᒪᓗ Hᐊᓚᓐ ᑰᖏᒍ ᓄᓇᐅᑉ ᐃᒪᖃᓐᖏᓐᓂᖓᒍᑦ ᐅᒥᕆᖃᑦᑕᕆᐊᖃᓲᖑᕗᑦ. ᑕᒪᓐᓇ ᐊᐅᓪᓚᖃᑦᑕᓂ ᐱᒋᐊᓕᕋᐃᒻᒪᑦ ᖁᓪᓕᖅᐹᖅ ᑰᖓ ᑲᖏᕐᔪᐊᖅ ᑕᐃᒫᓴᐃᓇᓖᓐᓇᖅᑯᖅ ᐃᖏᕐᕋᓂᖓ, ᐃᖏᕐᕋᓂᑐᔪᐊᓗᓪᓗᓂ ᐊᒻᒪᓗ ᐱᒡᒐᓇᑐᓂ ᓄᓇᒃᑰᑲᐃᓇᖃᑦᑕᕐᑐᓂ ᑰᖏᑦ ᐊᒥᓱᑲᓪᓚᓐᓂᑦ ᑭᓚᒥᑕᔅᒥᑦ ᑲᖏᕐᔪᐊᖅ ᖃᓂᒋᔮᓂ. ᐱᔭᕆᐊᑭᓐᓂᖅᓴᐅᕙᑉᐳᖅ ᖁᓕᓂᑦ - ᖁᓕᓪᓗ ᒪᕐᕈᓪᓗ ᐊᐅᓪᓚᖅᓯᒪᓪᓗᒍ ᐊᒻᒧᐊᖔᖅᑐᒍ Hᐊᐳᕆ - ᑲᖏᔪᐊᖅᒥᑦ ᖃᒪᓂᖅᑐᐊᕐᒧᑦ ᑖᒃᑯᐊ ᐊᑯᓐᓂᖏᒍᑦ ᐱᔭᕆᐊᑭᓐᓂᖅᓴᐅᓲᖑᕗᖅ. ᐃᒪᖓ ᓱᒃᑲᓕᔪᐊᓗᓪᓗᓂ ᐃᓚᖓ, ᑭᓯᐊᓂᓕ ᐊᔾᔭᑐᖅᑐᑎᑦ ᑭᓱᖏᓐᓂᑦ ᓄᓇᒃᑯᑦ ᐃᒪᖃᓐᖏᓐᓂᖓᒍᑦ ᐱᓲᖑᕗᑦ.
ᑲᖏᔪᐊᖅ ᐃᖃᓗᒐᓱᕕᓚᑦᑖᖑᕙᑉᐳᖅ ᐃᕕᓵᕈᕐᓂᑦ ᑎᓱᓱᐃᑦᑐᓂᑦ, ᐃᖃᓗᑐᐃᓐᓇᕐᓂᑦ, ᓱᓗᒃᐸᐅᔭᕐᓂᑦ, ᑲᕕᓯᓕᒃ ᐊᒻᒪᓗ ᐆᒐᐅᔮᖅᑐᓂᑦ, ᓂᖑᔪᕈᓗᓪᓗᑎᑦ ᐃᖃᓗᐃᑦ ᐊᒻᒪᓗ ᖃᓂᖅᑑᓂᑦ, ᐊᒻᒪᓗ ᐃᖃᓗᕋᓛᓂᑦ. ᐱᔾᔪᑎᒋᓪᓗᒋᑦ ᓇᔪᒐᖏᑦ ᒪᕐᕈᐃᓕᖅᑲᖓᕗᑦ ᓇᔪᒐᖏᑦ, ᓄᓇᑦᓯᐊᕐᒥ ᒪᓕᒐᐃᑦ ᐃᓗᐊᓂ ᐊᐅᓚᑕᐅᔪᓐᓇᖅᑐᑦ, ᐃᖃᓗᒐᓱᒍᓐᓇᐅᑏᑦ ᓚᐃᓴᑖᕈᑕᐅᔭᕆᐊᖃᓲᖑᕗᑦ ᐊᒻᒪᓗ ᓄᓇᕗᑦ ᐃᓚᖏᑕ ᑰᖏᑦ.
ᓯᔾᔭᖃᑦᑎᐊᖅᑐᓂ ᓯᐅᕋᔮᓐᖑᓪᓗᓂ ᐃᓚᖓ ᑲᖏᕐᔪᐊᖅ ‘ᑕᓯᖏᑦ’ ᑲᖏᔪᐊᖅ ᐊᐅᓪᓚᖅᓯᒪᕕᑦᑎᐊᕚᓗᓪᓗᓂ, ᐊᒻᒪᓗ ᑕᑯᒥᓇᖅᑐᓪᓚᕆᐅᓪᓗᑎᑦ ᕿᒥᐊᕐᔪᒃᐃᓪᓗ ᑰᖓᓂᑦ ᐊᒻᒪᓗ ᑕᓯᖏᓐᓂᑦ. ᕿᒥᐊᕐᔪᒃ ᑕᐃᒪᐃᒃᑭᕗᑦ, ᑭᑦᑐᕆᐊᖃᕋᓂ ᐱᓱᕕᑦᑎᐊᕙᒃ, ᐊᑯᓐᓂᖏᑕ ᓇᐹᑐᖃᕈᓐᓇᖏᑦᑑᑉ 360-ᓂᑦ ᑎᕆᖅᑰᑉ ᐃᖅᐸᖓᓂᖓᓂᑦ.
Fun Fact
ᓇᐹᖅᑐᓖᑦ ᑭᓪᓕᖓᒎᖅᑐᓂ ᑲᖏᕐᔪᐊᖅ ᐃᓚᖓ ᑕᑉᐸᐅᖓᖓᓪᓗᓂ ᐃᓗᐊᓄᑦ ᐃᓚᖓ ᐅᑭᐅᖅᑕᖅᑑᑉ ᓇᐹᖅᑐᖃᕈᓐᓇᖏᓐᓂᖓᒎᖅᑐᓂ ᓴᐃᓕᑦᑎᐊᖅᑐᓂ ᓂᕐᔪᑎᓄᑦ ᐅᒪᓂᖃᖅᑐᑦ ᒪᕐᕈᐃᑦ ᓇᔪᒐᕐᒥᓂ ᐊᑐᐊᖃᑎᒌᓐᓂᖓᑦ ᑲᑎᒡᕕᖏᑦ, ᖃᐅᔨᒪᔭᐅᔪᑎᒌᔭᐅᓲᖅ ᓂᕐᔪᑎᓄᑦ ᓇᔪᒐᐅᔪᑦ.
ᑰᑉ ᐊᐅᓚᑦᑎᔨᖏᑦ
ᑲᖏᕐᔪᐊᖅ ᑰᖓ ᐊᐅᓚᑕᐅᓲᖑᕗᖅ ᑲᑐᔾᔨᖃᑎᒌᓐᓂᒃᑯᑦ ᐊᒥᓱᓄᑦ ᓄᓇᓕᖏᓐᓂᑦ ᐃᓚᒋᔭᐅᔪᑦ, ᑖᒃᑯᓇᖓᑦ ᐊᐅᓚᑕᐅᓪᓗᑎᑦ ᐊᕙᑎᓕᕆᔨᒃᑯᓐᓂᑦ ᐊᒻᒪᓗ ᓄᓇᖑᐊᓕᕆᔨᒃᑯᓂ, ᓄᓇᑦᓯᐊᖅ ᒐᕙᒪᖏᑦ ᐊᒻᒪᓗ ᓄᓇᕗᑦ ᒥᕐᖑᐃᓯᕐᕕᖏᑦ ᐊᒻᒪᓗ ᓄᓇᓖᓐᓂᖔᓯᒪᔪᓂᑦ, ᐊᒡᒍᖅᓯᒪᔪᓂᑦ ᓄᓇᕗᑦ ᒐᕙᒪᒃᑯᖏᓐᓂᑦ.
Discover More
ᓱᒻᒪᑦ ᑰ ᓇᓗᓇᐃᖅᑕᐅᓯᒪᕚᓐ
ᓇᓗᓇᐃᖅᑕᐅᓯᒪᕗᖅ ᑲᓇᑕᐅᑉ ᐃᑦᑕᕐᓂᓴᓕᕆᔨᒃᑯᖏᓐᓂᑦ ᑰᓕᕆᔨᖏᓐᓄᑦ 1990-ᒥ, ᑲᖏᖅᔪᐊᖅ ᑰᖓ ᐅᑭᐅᖅᑕᖅᑐᒥ ᓇᐹᖅᑐᖏᑦ ᐃᑲᔫᑎᓪᓚᕆᑉᐸᖅᐳᖅ ᐃᒪᖃᐅᑦᑎᐊᖅᑐᓂᓗ ᐊᒻᒪᓗ ᖃᓄᐃᑦᑐᐃᓐᓇᕐᓂᑦ ᐊᔾᔨᒌᓐᖏᑦᑐᓂᑦ ᓂᕐᔪᑎᖃᐅᖅᑐᓂ. ᓇᓗᓇᐃᖅᑕᐅᓯᒪᕗᑦ 545 ᑭᓛᒪᑕᔅᒥᑦ ᑕᐅᕗᖓ 940 ᑭᓛᒥᑕᔅᒧᑦ ᑲᓇᑕᐅᑉ ᐃᑦᑕᕐᓂᓴᓕᕆᔨᒃᑯᖏᓐᓂᑦ ᑰᓕᕆᔨᖏᓐᓂᓪᓗ ᐊᑐᕈᒥᓇᖅᑎᑕᐅᓂᖏᑦ, ᐃᓕᖅᑯᓯᐅᔪᓂᑦ ᐊᒻᒪᓗ ᖃᓄᐃᓕᐅᕈᔭᕐᕕᐅᔪᓐᓇᕐᓂᖏᓐᓂᑦ. ᑕᒪᓐᓇ ᐱᒻᒪᕆᐅᒋᔭᐅᓯᒪᕗᖅ ᓄᓇᕕᒻᒥᐅᑦ ᐃᓄᖏᓐᓂᑦ ᑰᖃᕆᐊᖃᕐᓂᖓ ᐊᒻᒪᓗ ᐱᐅᓯᑐᖃᕐᒥᓂᑦ ᐃᓄᓯᕐᒥᒍᑦ ᐃᓅᔪᓐᓃᖅᓯᒪᔪᓪᓗ ᐃᖅᑲᐅᒪᓗᒋᑦ ᑲᓇᑕᒥᑦ.
Partners
- Kivalliq Inuit Association and Nunavut Tunngavik Incorporated